Salacor e je la forme aferetiche di nons tant che Ancelòt, Vecelòt (incressitîf di Vecellio), Micelòt (variante di Michelòt, incressitîf di Michele),Marcellotto (un Francesco Marcellotto a Çopule tai prins agns dal Sîscent), e vie indenant. Cun Celòt, in Cjargne, si vûl dî di un che al è di Cele (comun di Davâr). Tal 1431 a Buie Francischa filia Celoti, a Nimis un Celotto “al tignive” une selve di Tristan Savorgnan; tal 1469, a Tumieç, i>Stefanus Blasij Celotti al paià une tasse di £ 2 pe difese de citadine cuntri dai Turcs. Cognon antîc di Glemone documentât tal 1443 tes formis di Çeloti e Zelothi, tal 1549 Zuanna Catarina fiola de mistro Batista Celot (Tomat, 2001). Il toponim di Buie Prasselòt si à di leilu Pra’ Celòt parcè che e jere une proprietât dai Celotti di Glemone. La forme Celòt si le cjate a Pordenon, Pasian di Pordenon, Sacîl. Celotti al è tipic di Maian e pal Schedari Biasutti a ‘nd è tancj a Trivià tal Cinccent: 1538 Leonardo detto Zello da Tiveriacco q. Cristoforo detto Toli di Costalunga dona i suoi beni ai cugini Biagio q. Nicolò di Cristoforo e a Toffolo q. Venerio di Cristoforo; 1572 Giovanni q. Tomaso Cellot (ancje Cello, Cellò, Celò) secondo cameraro di S. M. di Comerzo; al è presint ancje a Udin, San Denêl, Reane, Trep Grant. Celotto al è tipic di Brugnere; si cjatilu ancje a Morsan da lis Ocjis, Daçan, Pasian di Pordenon, Sacîl, San Vît dal Tiliment. Tal Schedari Corgnali: 1269 Wargendo çellot a Glemone; 1321 çelos uxor q. Carli de Toryano a Cividât; 1330 Johannes condam Cegloti de Casasolla; 1363 Celotus q. d.ni Johannis a Feagne; 1371 Celotto q. Laurentii de Porcileis; 1375 Zelotto di Versola; 1378 çelotus de Buya; 1395 Zelotto a Cividât; 1408 Zellotto a Mueç; 1416 Leonardi çeloti de Buya; 1454 Joh. lanario q. Zelotti de Utino; 1498 Franciscus Zelot a Cividât; 1525 m.° Jacobo Celoto sartor a Purcie; 1561 Zuan Celotto barbiero contrada S. Antonio a Udin; 1564 Cellottus decanus a Montavierte; 1568 Bartholomea de Culau Cellotto de Qualso; 1568 Zuan Jac.° Zellotto de Zompitta.   Tal Schedari Biasutti o cjatìn che i Celotti tai Cuatricent a jerin a Vendoi, Udin, Blauç, Glemone, Morsan da lis Ocjis: 1452 Daniel q. Zelotti de Gemona; 1460 Pietro Zelotti q. Rainaldo da Morsano; 1471 don Gabriele Celotti curato di Vendoglio testa messe 4 sul Prat Margher al beneficio di Vendoglio; 1471 Antonio nipote di Celotto da Biauzzo; 1472 Ser Giovanni Celotti da Udine cameraro della Confraternita di S. M. della Misericordia; 1486 Ser Giovanni drapiero abitante a Udine q. Ser Celotto. Tal Cinccent: 1506 Simone q. Floreano di Pietro Cellotti di Zomegliais teste in Tarcento; 1551 Zanetto e Antonio q. Leonardo di Cellotto (o Cello) de Frappa da Tiveriacco vendono il campo dal Palmas in la Giaila; 1571 Ser Giovanni Celotto barbiere da Udine eletto a pieni voti cantore dell’Ospedale in luogo di pre Bernardino Venuto; 1594 dott. Carlo Celotti medico fisico condotto da Sacile. Tal Sîscent: 1671 Domenico Cellotto q. Sig. Giacomo notaio a Porcia. Une Via Celotta, tal furlan locâl Selòte, si cjate parsore Feagne (culì tal 1440 Prat Celot e tal Votcent Campo Zilot) e une Via di Celot, documentade tal 1661, parsore San Vît di Feagne (Zucchiatti, 2000).